習慣要改一改

移居海外的親屬任職廚師，年前回港渡假順道購買一些自己合用的廚房用品，雖然外地也有中式廚具銷售，香港還是品種最多款式最齊的地方。

那天我和廚師浩哥夫婦早茶後往上海街廚具專賣店。進了店鋪，在前面的櫃檯選了兩把木手柄的菜刀，還需購買兩塊蒸籠的鐵片，我們在等候店員包裹菜刀的時候，另一店員領了浩哥進內裡貨架揀選用具，片刻，浩哥怒氣沖沖從內裡走出來，邊走邊高聲向我們喝令：「走喇！唔買喇！走呀！全部都唔要！」，然後步出店外，我和他的太太看見他突然有如此嬲怒的情緒當下給嚇得呆了一呆，櫃檯包裝菜刀的店員同感奇怪，問那店員：「做咩呀？」，那店員只回答：「佢話唔買。」，我們對櫃檯的店員說：「唔好意思！佢話唔買，唔好意思。」，轉身走出店鋪追趕廚師的去向。

趕上了浩哥隨即問個究竟。我問：「發生咩事呀？點解咁嬲呀？」，浩哥無語仍一臉怒氣，我繼續追問。

原來事情發生有點類同 被「問候」母親 店員痛哭毆同事 此段新聞事件。

店員問：「塊鐵片要幾多寸？」
浩哥答：「我都唔知幾多寸，你攞俾我睇下。」
店員說：「“ X ”你啦！唔知尺寸點買呀‧你？」
浩哥說：「你使唔使咁呀？ “X” 你！唔買喇！」

原來是這樣，為平息他的怒氣。我只好為那店員的說話作了一個假設的解釋。

我說：「很多男人都講粗口嘅喇！有啲人慣咗好似口頭禪咁，佢自己唔覺得有問題嘅。」
我問：「你朋友當中有無人係咁講嘢吖？」「如果句說話係你朋友講你會唔會嬲？」
浩哥答：「咁就有。」「咁又係。」
我說：「咁咪係囉！佢唔係對你有咩唔妥，只不過係佢慣性左，對住男人都係咁講說話嘅，有啲人就唔分你係男定女，照講。」
浩哥說：「我係客，又無得罪佢，佢唔應該咁同我講嘢吖嘛！點可以同啲客咁講嘢呀！唔可以亂咁講嘛。」
我說：「咁又係，你都唔會對我咁講說話。」

昔日曾聽過一句意思是奉承別人的說話 “ 見人講人話、見鬼講鬼話 ” ，當中的含意可否解釋為 – 說話時應要留意對象、場合。恰當的說話就是對別人的一份尊重。