2012年12月30日 星期日
歐遊記趣–慕尼黑的夜
寂靜的黑夜中，車廂內只有張學友的歌聲，Ｈ、Ｐ和Ｌ都倦極睡著了 ，餘下我一個看著 C 君以２００ 英哩的車速在高速公路中飛馳，我有點兒擔心 C 君也會給誘人的睡魔召喚，在遲緩反應的腦海裡 搜索著一些話題；跟Ｃ君對話後，顯然他不是一個健談的人，我只好約幾分鐘打開話匣子一次 來確定 C 君仍然在清醒的狀態下駕駛著；半個多小時後汽車離開了高速公路，向著民居的道路駛進去轉小路，終平安到達了 A 君家裡。
A 君走出門外把我們迎進了屋的上層，約四百呎的客廰內的左方放置了四張摺床，床上的被褥均已備好。A 君與 H 兩人老同學相見一番寒喧後。
Ａ君說：「你們早點睡，五時左右你們要出發。」
正在放置行李的Ｌ聽了，轉身對Ｈ和Ｐ說：「你們多好啊！剛到立刻到捷克遊玩了，我們沒有行程只好睡個夠。」
Ａ君說：「我三天前看見有奧地利維也納團，替你和亞煩報名了，接你們的車比他們早。」
a.jpg)
2012年12月16日 星期日
踰越到老
上星期乘坐公共小巴上班，途經的路段是雙程單綫行車，我乘坐的小巴停在一交通燈前，綠色的行人過路燈正閃動著，顯示車輛即將要開動，一女長者停步站在行人路上。
另一男長者手持扶杖，眼看閃動的綠燈踏步過路，走了兩步行人燈己轉為紅色，假若小巴在這時開動，男長者需要站於兩行車線中，小巴司機似是意識到長者站於兩行車線中的危險性，繼續停車讓男長者先走過，此時行人過路燈已經轉為紅色，另一持杖女長者仍隨後踏出行人路直走過來，幸小巴司機留意路上狀況響號示警，女長者並未停步仍繼續向前踏步，司機無奈在安全情況下開車。
看見這兩位長者雖已白髮蒼蒼，面對準備開動的車輛臉無懼色，罔顧行人過路燈的守則，此刻我才發覺原來人類與生俱來喜愛踰越的心態是到老不變的。
2012年12月14日 星期五
萊茵河畔
渴望多年一遊歐洲，某年秋終嘗願。朋友的同學旅居德國，領遊萊茵河畔，漫步觀對岸景色。
每看相片我必然聯想起這一首鋼琴樂曲 Richard Clayderman - Voyage a Venise
觀看繪圖連結
2012年12月10日 星期一
歐遊記趣–踏足德國慕尼黑
渴望多年的歐遊終能結伴成行，隨團行程八天四國只是跑馬看花，朋友的同學旅居德國慕尼黑，遂在假期許可下離團逗留五天，趣事就在慕尼黑發生。
旅行團行程完結，我們在荷蘭阿姆斯特丹機場找到班次的候機點等待，閒談時說及曾有朋友提點，乘坐歐洲火車要留意看清楚乘坐的那列車車廂的目的地是否自已前往的地方，此時，我們醒覺距離起飛時間尚餘半小時，為何等待的人只有小貓幾隻，遂往查看 「哇！更改了閘口。」急急直衝登機閘口，還幸早點發覺，否則錯過了班機，後果……。
2012年12月5日 星期三
歐遊記趣–第四站法國﹙三﹚
凡爾賽宮
由於編寫這遊記，我重拾當日旅遊時的記憶，一些遺漏的資料有賴互聯網上的發達，有心人無私的貢獻和分享，否則我是無法上載這一頁的照片，令閱讀巴黎這一部份時，有點兒不完整的感覺。
現在我們看見的凡爾賽宮，外圍的建築是由路易十四後期加建作為皇室人員居住的宮殿。內部建築的宮殿是路易十三早期興建的狩獵行宮。
我們走過廣場，穿越宮殿的右側通道，走到宮殿的後方，依領隊的指示，到達了開放給公眾參觀的宮殿左翼。記憶中，在指定的參觀時段是有英語導賞員講解，另有錄音講解的隨身聽，出租給參觀者作為個人導賞之用。
我們步上二樓踏入大廰前，首先看見的是皇家小教堂，教堂天花上的壁畫在光線映照下，顏彩、色澤，猶如用攝影機拍下的一幅相片。進入瑪爾斯廰，廰內的牆壁鋪上紅色天鵝絨，中央裝置了一個大理石的壁爐，視覺上帶來一絲暖意，牆壁上的油畫記錄了當年皇室人員的生活片段。
隨著進入了鏡廰長廊，廰內的華麗水晶吊燈令長廊更顯氣派；循著長廊走過去，另一處牆壁上方是金色的雕像、還有一幅大理石的雕像，天花上的壁畫又再次令我們讚嘆畫師的鬼斧神工。
最後參觀的是戰爭畫廊，牆壁上的大型油畫，講述過去歷年來的法國戰爭事跡。
觀看了皇室在凡爾賽宮內的生活居室，我們到宮後遙望四周凡爾賽宮的所屬土地，在水池的雕塑和以園林噴水池作為背景留影後，巴黎的觀光行程到此告終。翌日早上往戴高樂機楊乘坐飛機到荷蘭阿姆斯特丹機場，團友結束歐洲八天團返回香港，我們等待下午的航班飛往德國慕尼黑開展自遊之旅。
2012年12月1日 星期六
歐遊記趣–第四站法國﹙二﹚
第四站法國巴黎
早上天色灰暗有雨，帶來的雨傘可派上用場。由於藝術和歷史都不是一般的知識，法國的旅遊局規定，必須顧用本地導遊作導賞員，我們在聖母院門外的銅像會合導遊後，進入教堂內參觀。我只著意爭取時間多拍照片，沒有留心聆聽，錯過了導遊的導介，只知道巴黎聖母院有一個「鐘樓駝俠」的故事。
在東邊飄雨西邊晴情況下在聖母院外的四周拍照；還好下大雨的時候是坐在車上，環繞河岸兩旁的古舊而宏偉的建築物和雕塑令人讚嘆不已。
稍後，漸漸雨過天清我們先後到了小凱旋門和羅浮宮博物館。羅浮宮門外排了長長的隊伍，館藏的藝術品吸引不少藝術愛好者，「蒙羅麗莎」的微笑也吸引了不少遊客欲一睹真蹟；領隊說若我們想進去看看，除了自付入場費外，還要自行排隊，旅行團沒有特別優待通道。
凱旋門位於香榭麗舍大道的交匯點，由於四周繁忙的交通，我們只能在指定位置拍照留念，不能越過行車線，站在凱旋門下感受一下它的氣勢，看看通往東、西、南、北的景觀和香榭麗舍大道的景致。隨後去了看安葬拿破侖的榮譽軍人院的外貎及艾菲爾鐵塔等名勝的外觀。
遊罷市內名勝觀光的行程結束，喜愛購物的團友們到百貨公司盡情購物，我們四人和半數團友自費﹙包括旅遊車車費和入場費﹚遊凡爾賽宮去。
2012年11月28日 星期三
2012年11月24日 星期六
歐遊記趣–第四站法國﹙一﹚
第四站法國巴黎
經由瑞士與法國邊境進入法國，在過境前領隊說：「有需要到洗手間的團友作好準備，車一停就衝跑過去。」，雖然兩個旅遊團的團友人多勢眾，只有最早的三位女士成功闖關，其餘的無奈要稍作忍耐。
「何解要衝入洗手間？」據領隊解釋每當有旅遊車經此入境，法國籍清潔女工必定手持拖把堅守著入口，拒絕過境旅遊車上的旅客使用，旅遊車乘客的大量湧入，使用率造成污染率，要維護她所管轄的地方清潔，拒絕開方便之門。
2012年11月18日 星期日
2012年10月13日 星期六
2012年10月7日 星期日
2012年10月6日 星期六
2012年10月4日 星期四
2012年10月1日 星期一
2012年9月27日 星期四
2012年8月26日 星期日
徬徨
近日我陷入思緒紛亂中，無法心靜懷舒，思潮如潮水般起起落落。
立法會選舉開展，傳播機構都為參選者提供論壇，讓市民在論壇中對各參選人多一點了解。聽著和看著眾參選人在選舉論壇上講述參選理念後，另一環節經由抽籤選出其餘參選人接受提問質詢，這一環節我只聽到一些搶白、吵鬧、指駡的聲音，看到的畫面是人性中醜陋的一面，心情驟然下沉，我選擇關閉耳朵和眼睛。
這是否參選人必須具有的行為？這就是政治？當選者能於當選後把參選過程中在公眾面前被指駡的情景完全忘掉嗎？近年立法會上議員之間的爭拗、拉布等不合作的行為是否議員們不能放下過往，欠缺廣大的胸襟？
我是一個知識水平淺陋的婦孺，有太多不明瞭的事情。指駡、對立能解決問題嗎？牽制就是監管的最好方法嗎？政府弱勢，市民和議員要負上責任嗎？堅持己見、不妥協是好？是壞？議員不是政府和市民間的溝通橋樑嗎？糾纏於昨日的事情就能有美好的明天嗎？甚麼是包容？甚麼人犯錯才可獲接納更生？民主不是包含了自由發表言論的嗎？
所有的參選者都不是我認識的人、熟悉的人，我無法“用人為親”，只能憑著他們過往在傳播媒體中的言論或以他們政黨的政績作為選票投向的參考；將會拿著選票的我感到徬徨，想起論壇上的聲音和影像，不投票不行！投票給不同理念的人、不行！我被思緒的潮水捲進了沙裡去。
2012年8月5日 星期日
道聽途說話涼粉
昨日下午亞煩正坐喺巴士上層座位閉目養神，隻耳突然聽到……，原來前兩排座位坐咗兩位啱啱上車嘅長者。
叔：「議事堂放暑假咯，當堂靜晒。」﹙亞煩都覺靜番啲，少咗啲爭拗。﹚
伯：「乜靜晒呀？個廚房仲熱緊！」
叔；「哦！廚房嗰涼粉？近排少咗人打落水狗吖！邊度熱呀？」
伯：「梗係超級議席啦！」
叔：「係喎，要準備出戰。唔怪得劏房單嘢無咁多人理啦！」
伯：「佢地越打官員啲違規僭建，推政府加快去解決，講到尾，最終受害嘅咪係啲住客。」
叔：「啲區議員咪話要同佢地爭取上樓嘅。」
伯：「啲議員一面打一面話幫，洗樓嗰陣你話知唔知吖？啲住客被人趕走，佢地咪少咗啲票。」
﹙亞煩都覺得佢哋一面打一面幫，唔多幫到解決住屋問題。﹚
伯：「如果我係涼粉就會越打越開心喇！」
叔：「吓，俾人勁打仲開心，點解呀？佢係潮州牛丸咩？」
﹙亞煩唔係幾明“潮州牛丸”係指佢越打越爽，抑或係越打越實淨。﹚
伯：「涼粉坐嗰個係咩位？單嘢係尷尬啲，但係人人都知佢被人打要身先士卒，推去加快解決喎，話唔定仲幫咗佢。」
﹙亞煩聽落又似層層，之前好似有二房東擺明唔合作嘅新聞。﹚
伯：「你估要做好佢份工咁易咩！你睇吓，全香港咁多違規建築，呢個係燙手山芋，……。」
叔：「喂！唔好講咁多，呢個站落車喇。」
﹙亞煩無得聽埋落去覺得有啲可惜，繼續坐喺巴士上層座位度發白日夢。﹚
2012年8月3日 星期五
2012年8月1日 星期三
更換手表電池的奇遇
上星期亞煩將已停止運作多日嘅手表拎去附近店舖換電池，因早前經過該店睇見舖前貼著【換電池$ 11 元起】見價錢相宜走去試試。點解要試一試？有啲舖用嘅電池質量會差啲，同埋一個自私嘅念頭：“個個唔幫襯附近舖，啲舖無生意就摺埋，最唔方便嗰個咪喺自己囉。”
企喺舖面前睇緊喺咪營業中，喥門被向內拉開咗，一個年約三十歲嘅男子出現眼前向亞煩問：「有咩嘢要呀？入嚟睇吓啦。」亞煩即時表態：「換手表電池。」，此時舖內一名年齡約五十過外女士和男子齊聲：「哦！換電池，入嚟啦！」
店舖男子接過亞煩嘅手表走進櫃台後取出工具盒之時
店舖女：「你條表帶戴到咁，得閒就換咗佢啦，我地有好多靚表帶可以同你換。」
亞煩：「哦！唔使喇。」腦海裡浮出心底話：“我條表帶搵咗好耐先搵到條咁啱心水嘅嚟換﹙薄身鱷魚皮紋﹚，換咗半年咋，仲唔係日日戴、要換？”
亞煩對眼一直望住自己隻手表正被男子施行開蓋，睇見店舖男嘅手勢，心忖“好似咁難開嘅，似唔多熟手喎。”
店舖女：「換電池可以用優惠價認購其他嘢，你睇吓，全部都係廸……嘅正版貨嚟，好靚架。」
唔知喺幾時店舖女已經手拎住個銀閃而精細嘅槌仔，以溫柔嘅口吻對店舖男講：「睇住你隻手呀！」，再重複一次後以適度輕巧力度“叮‧叮”兩下槌喺店舖男手中類似小型指甲挫嘅工具上方，兩人合作將表蓋打開咗。
店舖女一邊放好銀槌一邊問亞煩：「你隻表第一次換電呀？」「唔怪得咁緊啦。」
亞煩見表蓋打開咗，望到用邊隻電就應該報價啦，即問：「粒電要幾多錢呀？」
店舖男從身後嘅排架膠盒攞咗粒電池答：「 $ 4 0 」
亞煩：「嘩！四十蚊咁貴！我唔換喇。」心忖：“早前我屋企人去街市嗰間換過收 $20。”
店舖女：「我地啲電池原裝日本貨嚟架，你睇吓。」
亞煩：「街市嗰間換都係廿蚊咋，我見你地貼咗 $ 11 先至嚟。」
店舖女：「你嫌貴，不如你認購其他嘢，咪送粒電俾你囉！」
此時店舖男停咗手幫口：「係啊！」
亞煩腦海即時反應：“吓！買其他嘢送一粒 $ 40電池？買咩嘢？我嚟換手表電池。”“而家啲人興認購？聽到有嘢送就會買？”
亞煩：「我唔換喇！早前我喺中環度換都係 $ 15，喺街市嗰間換過都係收 $20。」
見亞煩咁堅拒，店舖女：「算啦！都開咗粒電咯﹙其實仲未開封﹚，就收你 $ 2 0，換咗佢啦！好唔好？」「嗰粒係原裝電嚟架。」
亞煩：「咁…好啦。」「我喺中環度換都係日本原裝電嚟架。」
店舖男立刻撕開電池包裝，將電池放入然後將表蓋「咔」一聲冚好。
此時亞煩已經左手拎住廿蚊、右手伸出想接番隻手表；店舖男邊望牆上掛鐘將時間調整邊對亞煩講：「幫你較好，睇睇先啦！」
最終亞煩以廿蚊完成換手表電池步出店鋪，舖內兩人同聲：「得閒再嚟睇過啦。」
一路行返屋企一路諗：“佢哋係好好招呼，但係咁樣嘅營業方式會有幾多生意呢？”“顧客原本係去換電池變咗購買其他貨品送電池，思想邏輯有無問題呢？”
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
過往我啲手表電池都係幫襯中環街市﹙斜路上面﹚嗰個鐘表維修檔口，由於佢收費相宜，﹙嗰陣喺附近返工﹚亞煩每有換電、維修都第一時間攞去佢度。
一次，大家姐隻有紀念價值嘅舊款「X 陀」手表壞咗，托亞煩拎去維修中心，好似係維修營業時間嘅問題，亞煩就拎咗去表檔。當日師傅開咗後睇咗，就話要換零件，由於零件要去維修中心買，需要三、幾日時間，費用大概要 $ 3 5 0 左右。有友人就講咗句提醒嘅說話：“ 靚嘅表唔好拎去表檔維修，因住會俾人換咗啲零件。”
一星期後，亞煩準備咗五百大元同單據去攞番隻表，師傅拎出隻表搖咗幾下、較好時間同日曆遞俾亞煩睇一睇、收貨，隨即報收 $ 2 8 0。隻手表到咗而家仲仍然運作良好。
另一次，阿妹幫老公拎手表去維修，嗰度話隻表壞咗要 $ 3 0 0 維修費，阿妹諗住隻表唔係貴不過係紀念品、決定唔修。有日同亞煩講起，問咗妹夫嘅維修費上限就攞去師傅度睇吓。師傅開咗表蓋，滴油用布仔細咁內外抺淨，換咗電較番時間﹙過程足足用咗成十分鐘﹚，然後話：「三十蚊。」。阿妹同妹夫當然係最開心嗰個啦。嗰陣亞煩就包攬咗家人嘅手表換電維修服務。
更換手表電池的奇遇
上星期亞煩將已停止運作多日嘅手表拎去附近店舖換電池，因早前經過該店睇見舖前貼著【換電池 $ 11 元起】見價錢相宜走去試試。點解要試一試？有啲舖用嘅電池質量會差啲，同埋一個自私嘅念頭：“ 個個唔幫襯附近舖，啲舖無生意就摺埋，最唔方便嗰個咪喺自己囉。 ”
企喺舖面前睇緊喺咪營業中，喥門被向內拉開咗，一個年約三十歲嘅男子出現眼前向亞煩問：「有咩嘢要呀？入嚟睇吓啦。」亞煩即時表態：「換手表電池。」，此時舖內一名年齡約五十過外女士和男子齊聲：「哦！換電池，入嚟啦！」
店舖男子接過亞煩嘅手表走進櫃台後取出工具盒之時
店舖女：「你條表帶戴到咁，得閒就換咗佢啦，我地有好多靚表帶可以同你換。」
亞煩：「哦！唔使喇。」腦海裡浮出心底話：“我條表帶搵咗好耐先搵到條咁啱心水嘅嚟換﹙薄身鱷魚皮紋﹚，換咗半年咋，仲唔係日日戴、要換？”
亞煩對眼一直望住自己隻手表正被男子施行開蓋，睇見店舖男嘅手勢，心忖“好似咁難開嘅，似唔多熟手喎。”
店舖女：「換電池可以用優惠價認購其他嘢，你睇吓，全部都係廸……嘅正版貨嚟，好靚架。」
唔知喺幾時店舖女已經手拎住個銀閃而精細嘅槌仔，以溫柔嘅口吻對店舖男講：「睇住你隻手呀！」，再重複一次後以適度輕巧力度“叮‧叮”兩下槌喺店舖男手中類似小型指甲挫嘅工具上方，兩人合作將表蓋打開咗。
店舖女一邊放好銀槌一邊問亞煩：「你隻表第一次換電呀？」「唔怪得咁緊啦。」
亞煩見表蓋打開咗，望到用邊隻電就應該報價啦，即問：「粒電要幾多錢呀？」
店舖男從身後嘅排架膠盒攞咗粒電池答：「 $ 4 0 」
亞煩：「嘩！四十蚊咁貴！我唔換喇。」心忖：“早前我屋企人去街市嗰間換過收 $ 20。”
店舖女：「我地啲電池原裝日本貨嚟架，你睇吓。」
亞煩：「街市嗰間換都係廿蚊咋，我見你地貼咗 $ 11 先至嚟。」
店舖女：「你嫌貴，不如你認購其他嘢，咪送粒電俾你囉！」
此時店舖男停咗手幫口：「係啊！」
亞煩腦海即時反應 “ 吓！買其他嘢送一粒 $ 40電池？買咩嘢？我嚟換手表電池。” “ 而家啲人興認購？聽到有嘢送就會買？ ”
亞煩：「我唔換喇！早前我喺中環度換都係 $ 15，喺街市嗰間換過都係收 $ 20。」
見亞煩咁堅拒，店舖女：「算啦！都開咗粒電咯﹙其實仲未開封﹚，就收你 $ 20，換咗佢啦！好唔好？」「嗰粒係原裝電嚟架。」
亞煩：「咁…好啦。」「我喺中環度換都係日本原裝電嚟架。」
店舖男立刻撕開電池包裝，將電池放入然後將表蓋「咔」一聲冚好。
此時亞煩已經左手拎住廿蚊、右手伸出想接番隻手表；店舖男邊望牆上掛鐘將時間調整邊對亞煩講：「幫你較好，睇睇先啦！」
最終亞煩以廿蚊完成換手表電池步出店鋪，舖內兩人同聲：「得閒再嚟睇過啦。」
一路行返屋企一路諗：“佢哋係好好招呼，但係咁樣嘅營業方式會有幾多生意呢？”“顧客原本係去換電池變咗購買其他貨品送電池，思想邏輯有無問題呢？”
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
過往我啲手表電池都係幫襯中環街市﹙斜路上面﹚嗰個鐘表維修檔口，由於佢收費相宜，﹙嗰陣喺附近返工﹚亞煩每有換電、維修都第一時間攞去佢度。
一次，大家姐隻有紀念價值嘅舊款「X 陀」手表壞咗，托亞煩拎去維修中心，好似係維修營業時間嘅問題，亞煩就拎咗去表檔。當日師傅開咗後睇咗，就話要換零件，由於零件要去維修中心買，需要三、幾日時間，費用大概要 $ 350 左右。有友人就講咗句提醒嘅說話：“ 靚嘅表唔好拎去表檔維修，因住會俾人換咗啲零件。”
一星期後，亞煩準備咗五百大元同單據去攞番隻表，師傅拎出隻表搖咗幾下、較好時間同日曆遞俾亞煩睇一睇、收貨，隨即報收 $ 280。隻手表到咗而家仲仍然運作良好。
另一次，阿妹幫老公拎手表去維修，嗰度話隻表壞咗要 $ 300 維修費，阿妹諗住隻表唔係貴不過係紀念品、決定唔修。有日同亞煩講起，問咗妹夫嘅維修費上限就攞去師傅度睇吓。師傅開咗表蓋，滴油用布仔細咁內外抺淨，換咗電較番時間﹙過程足足用咗成十分鐘﹚，然後話：「三十蚊。」。阿妹同妹夫當然係最開心嗰個啦。嗰陣亞煩就包攬咗家人嘅手表換電維修服務。
2012年7月28日 星期六
山中飄霧
在重拾昔日旅遊的照片中，一張泰山飄霧正好讓我作為練習。當日看著山下起霧，繼而向山上飄升，把眼前的景物漸漸隠沒了。刹那間、雲霧又散去了。
觀看繪圖連結
http://www.fiito.com/play/1m3Cq-d5qXKx
2012年7月12日 星期四
同僭建拉上關係
亞煩路過公園看見黃伯坐在長椅上正在讀報，眉頭緊皺一臉不悅，於是走上前，一看黃伯手中報紙標題，亞煩：「早晨！黃伯，今日又係僭建新聞。」
黃伯：「係呀！」
亞煩：「你喺佢粉絲呀？做乜咁愁？」
黃伯：「起初睇到啲僭建新聞，我就覺得自己雖然窮，但都算得上喺循規蹈矩嘅人，以為我同僭建拉唔上關係。」
亞煩：「吓！你都有僭建？」
黃伯：「咪就係個晾衫架囉。」
亞煩：「哦！」
黃伯：「生活咗幾十年，近年先至知自己成世人都同僭建拉上關係。」
亞煩：「成世人？唔係呀？」
黃伯：「我讀小學嗰陣住舊樓啲閣仔，出嚟做嘢屋企唔夠住，自己搬咗去住床位，嗰處係騎樓裝咗窗夠擺三張碌架床，結咗婚住板間房，有細路就租咗間劏房等申請嘅公屋；到而家買樓自住…」
亞煩：「嗰陣你都係住客啫，咁你點解要僭建個晾衫架呀？唔係已經有嘅咩？」
黃伯：「唉！最初我都無諗到喺廳嗰邊窗整個晾衫架，原本嗰個晾衫架喺正廚房個抽油烟喉下面，後來老婆睇到上面有一樓層嘅去水管滴水落嚟，佢唔係成日滴，查又查唔到，見其他單位整我咪又整，無法子、嗰啲係乾淨衫嚟吖嘛。」
亞煩：「晾衫架又真係幾煩嘅，我朋友嗰度個晾衫架係天井嗰邊，加上佢住低層，啲衫幾乎無太陽曬同無風吹，天氣潮濕仲慘有排唔乾，佢唯有將啲衫掛係窗花度晾。」
訂閱：
文章 (Atom)