「騙」父母心

前一天朋友接到母親的來電，話筒傳來抖顫的聲音：「亞萍，你快啲打電話俾你亞哥，我搵唔到佢又搵唔到你老豆，你搵到佢快啲話我知呀。」亞萍：「咩事呀？」，母親把事件告知。

亞萍聽罷立刻致電給大哥，對方的電話一直沒人接聴，只好留言「非常緊急，即覆。」，心想：「亞哥平時唔會唔聽電話嘅喎。」亞萍打電話給妹妹看會否知道大哥的去向。


此時電話響起，話筒傳來大哥的聲音：「咩事搵得我咁急呀？」

亞萍：「你點解唔聽電話呀？媽咪接到電話，第一次係財務追數，媽咪無答佢就收線，跟住電話再響，對方有兩把聲，一接聽就聽到其中一把聲閙 “ 想死呀，收線 ”，另一把聲大叫   “ 媽咪，我架車出左事，你快啲救我呀 ”，媽咪就問佢有無事，未聽到佢答，又聽到把惡聲講嘢，媽咪就收線打俾你，點知又搵唔到你，咪嚇到口都顫晒打電話叫我搵你囉！」

大哥：「我今日放假，啱啱落街無帶電話，返嚟先知你搵我。咁！我搵媽咪同佢定驚先喇。」

上述都是騙徒看準了父母心，雖然朋友的母親心有懷疑沒有即時受騙，但也心裡焦急找尋兒子。與父母同住的子女也不能時刻向父母親報導行踪，老人家在慌亂的心情和緊急的一刻未能聯絡上親人下，怎會不受到欺騙。

博友回應與回覆

菊主

2011年11月10日下午5:13

煩煩: 將計就計,扮受騙交錢,然後報警'裝'他們 !

麻煩

2011年11月11日上午10:09

菊主：早安！朋友的母親本屬精叻長者，當日被對方惶恐聲音所驚嚇己失方寸，慌忙找尋兒子。朋友謂：母親家中電話沒安裝來電顯示。此文發表兩日後，報章報導一男長者幸得銀行職員相助捕疑人；另一女長者心慌沒聯絡兒子失款。若此材料由菊主落筆，必能廣傳慎防之效。

菊主

2011年11月22日下午3:46

煩煩:午安!哈哈哈,因為菊主加油添醋.....其實友人曾遇類似情況,嗯,找天寫一寫.....

麻煩

2011年11月22日下午9:46

謝謝菊主！